Ապրիլի 4-ին Եվրոպական հանձնաժողովի նախագահ Ուրսուլա ֆոն դեր Լայենը զանգահարել է Ադրբեջանի նախագահ Իլհամ Ալիևին։

Ինչպես հաղորդում է ԱՊԱ-ն, հեռախոսազրույցի ընթացքում կողմերը քննարկել են Ադրբեջանի և Եվրամիության միջև համագործակցության զարգացման հեռանկարները, այդ համատեքստում վերականգնվող էներգետիկան, տրանսպորտային կապերը, էներգետիկ անվտանգությունը և փոխգործակցության այլ ոլորտներ: Էներգետիկ ոլորտում ռազմավարական գործընկերության մասին փոխըմբռնման հուշագրում նշվել է ոլորտը, որը ստորագրվել է Ադրբեջանի և Եվրամիության միջև 2022թ.-ին։

Ընդգծվել է, որ Ադրբեջանի նախագահությամբ Բաքվում կայանալիք COP29-ը բարենպաստ հնարավորություններ է ստեղծում կլիմայական գործողությունների և կանաչ անցման ոլորտում համագործակցության համար։

Եվրահանձնաժողովի նախագահը հայտնել է Եվրամիության պատրաստակամությունը՝ աջակցելու Ադրբեջանին մարդասիրական ականազերծման աշխատանքներում։

Հեռախոսազրույցի ընթացքում բարձրացվել է ապրիլի 5-ին Բրյուսելում կայանալիք եռակողմ՝  Փաշինյան-ֆոն դեր Լայեն-Բլինկեն հանդիպման հարցը։   Իլհամ Ալիևը, ինչպես ԱՄՆ պետքարտուղար Անտոնի Բլինկենի հետ քննարկումների ժամանակ, արտահայտել է ադրբեջանական կողմի դիրքորոշումն այս հանդիպման առնչությամբ և նշել տարածաշրջանային ներառականության կարևորությունը։

Բլինկենը զանգահարել է Ալիևին և ասել, որ ապրիլի 5-ին Փաշինյանի հետ հանդիպումը Ադրբեջանի դեմ չէ

Քննարկվելու են տնտեսական հարցեր, տարածաշրջանային հարցեր չեն քննարկվելու․ Արմեն Գրիգորյանը՝ Փաշինյան-ֆոն դեր Լայեն-Բլինկեն հանդիպման մասին