Բարձրագույն դատական խորհուրդը դադարեցրել էր դատավոր Դավիթ Հարությունյանի լիազորությունները. դատավորն այն համարել էր ապօրինի և բազմաթիվ խախտումներ նշել, որոնք իրականացրել էր Բարձրագույն խորհրդի նախագահ Կարեն Անդրեասյանը, որպեսզի հասնի իր նպատակին։

Քիչ առաջ Դավիթ Հարությունյանի փաստաբան Միքայել Շխիմյանը հայտնել է այդ հարցով Սահմանադրական դատարանի որոշման մասին, որում ասվում է.

 

«Սահմանադրական Դատարանը արձանագրեց, որ դատավոր Դավիթ Հարությունյանի վերաբերյալ հարուցված կարգապահական վարույթի շրջանակներում ԲԴԽ գործողությունների արդյունքում ոչ իրավաչափ կերպով սահմանափակվել է դատավորի՝ շահերի ներկայացվածության երաշխավորման իրավունքը, ինչպես նաև սահմանափակվել է Դատավորի լսված լինելու իրավունքը, ինչի վկայությունն է Դատավորին դատական նիստերի դահլիճից հեռացնելու սանկցիայի կիրառման հետևանքով առաջացած՝ նրա կողմից իր դիրքորոշումը, առնվազն եզրափակիչ խոսքի միջոցով ներկայացնելու անհնարինությունը:

«Սահմանադրական դատարանի մասին» սահմանադրական օրենքի 69-րդ հոդվածի 10-րդ մասի համաձայն՝ Դիմողի նկատմամբ կայացված վերջնական դատական ակտը(ԲԴԽ որոշումը) նոր հանգամանքի ի հայտ գալու հիմքով ենթակա է վերանայման՝ օրենքով սահմանված կարգով»։

 

 

Դատավոր Դավիթ Հարությունյանն ընդդեմ Հայաստանի գործը ՄԻԵԴ-ում կքննվի առաջնահերթության կարգով. փաստաբան

 

Դավիթ Հարությունյանի գործով ՄԻԵԴ դիմում է ներկայացվել

 

Պարոն Անդրեասյան, անկախ նրանից ինչ աթոռի վրա նստեք ու մուրճ բռնեք, Դուք դատավոր չեք դառնա, բայց ես չեմ ցանկանա, որ Ձեր գործով դատավորը Ձեր նմանը լինի․ Դավիթ Հարությունյանը հրապարակել է իր եզրափակիչ ելույթը

 

Անդրեասյանն անգամ դատարանում որևէ կողմ չի եղել, հրամանով ու պատմուճանով դատավոր չեն դառնում․ Դավիթ Հարությունյան