Հավատացեք՝ դժվար է մեկնաբանել սա, դժվար է, որովհետև սա ոչ միայն աբսուրդ է, այլ նաև սուտ։ Մենք գիտենք, որ Նիկոլ Փաշինյանն ուղղակի հետևում է, թե ինչպես են հայ սպանում, բայց նա այս իրադարձությունների միայն դիտորդը չէ։ Նրան չի հաջողվելու մեղքը միայն ուրիշի վրա գցել ու իրեն դիտորդ ներկայացնել, որովհետև նա իր հուզական ու հակադիվանագիտական բղավոցներով է սանձազերծել պատերազմը, ապա ոչնչացրել մեր պաշտպանությունը, ապա Արցախը տվել Ադրբեջանին, որպեսզի նա «իր տարածքում» անի այն, ինչ ուզում է։  Դա սուտ է նաև, քանի որ Նիկոլ Փաշինյանը չի  էլ կարող հետևել այս իրադարձությունների զարգացմանը, որովհետև սա վերաբերում է այլոց երեխաների մահվանը, իսկ նա ամենայն մանրամասնությամբ հետևել է իր որդուն առևանգելու դեպքին ու դրանց զարգացմանը, ոչ միայն հետևել է, այլ նաև իրեն անինքնասերի պես ծառայող ոմանց միջոցով կալանավորել տվել առևանգողին։