Բայց ինչևէ, դեմ լինելով անկարգությանը, կողմ ենք ու միանում ենք բողոքին, որ Նիկոլ Փաշինյանը, ու հենց անձամբ ինքն իր անթասիբ, դիվանագիտությունից հեռու, չմտածված ելույթներով ու քայլերով վատնեց Արցախը ու շարունակում է վատնել արցախցու կյանքը։

 

Երեկ ՄԱԿ-ի անվտանգության խորհրդում նիստն էր Արցախի հարցով։ Ելույթները ստանդարտ էին իհարկե, բայց հասցեական էին, արձանագրում էին, որ Ադրբեջանը հարձակվել է հանկարծակի ու պահանջում էին երաշխիքներ տալ, որ արցախցին անվտանգ կապրի։ Ելույթները, համենայն դեպս, ավելին էին քան Նիկոլի ուղերձներն ու կիսամեռ ելույթները։ Վստահաբար, նիստում հնչած գրեթե բոլոր ելույթներն ավելին էին, քան Հայաստանում վարչապետ աշխատողի պահվածքը։ Համարյա ակնհայտ էր որ որոշ պետությունների արտգործնախարարները ոչ միայն հետևել էին իրադարձությունների զարգացմանը։