Շրջափակման ընթացքում էլեկտրաէներգիայի միակ աղբյուրը մեր տեղական արտադրանքն է՝ հիմնված Սարսանգի ջրամբարի հնարավորությունների վրա․ այս մասին այսօր կայացած մամուլի ասուլիսի ընթացքում հայտարարել է Արցախի Հանրապետության պետական նախարար Գուրգեն Ներսիսյանը։ 

«Այն ամբողջությամբ չսպառելու համար մենք Արցախում էլեկտրականությունը մատակարարում ենք հովհարային անջատումներով: Արդեն իրավիճակը կրիտիկական է և առաջիկայում առատ տեղումների բացակայության դեպքում մենք կունենանք ավելի երկար ընդհատումներ: Դա, բնականաբար, ազդելու է ոռոգման կարիքները բավարարելու վրա և այլն»,-ասաց պետնախարարը:

Նա նշեց, որ Ադրբեջանի ձեռագիրը պարզ է, նույնը տեղի է ունենում գազամատակարարման հետ կապված: Պետնախարարի խոսքով՝ ամենը ծրագրված, պլանավորված է և ուղղված տնտեսության բոլոր ճյուղերը հերթականությամբ կաթվածահար անելուն: