Hayastan.news-ը ներկայանցում է Հայաստանում միջազգային պարտավորությունների գնահատման զեկույցների անդրադարձը մոնիթորինգին և գնահատումը․

Միջազգային հանրապետական ինստիտուտի ծրագրի շրջանակներում 2023 թվականի հունվարից մարտ ընկած ժամանակահատվածում իրականացված հարցումներով անդրադարձ է կատարվել կոռուպցիայի նկատմամբ հանրության կարծիքներին: Մասնավորապես, հարցվածների 9  տոկոսը լիովին բավարարված է Կոռուպցիայի կանխարգելման հանձնաժողովի (ԿԿՀ) աշխատանքով, իսկ 36 տոկոսը ընդհանրապես բավարարված չէ ԿԿՀ աշխատանքով: Հարցվածների 8 տոկոսը չեն պատասխանել կամ տեղյակ չեն եղել ԿԿՀ գործունեության վերաբերյալ: Իրականացված հարցման արդյունքում հարցվածների 41 %-ը կոռուպցիան համարել է շատ մեծ խնդիր Հայաստանի համար:

Հարկ է հավելել, որ ԱՄՆ ՄԶԳ աջակցությամբ իրականացվել է Հայաստանում կոռուպցիայի վերաբերյալ հանրային կարծիքի ուսումնասիրություն, որի շրջանակում կատարված պետական մարմինների և հասարարակական կազմակերպությունների հակակոռուպցիոն գործունեության մասին իրազեկվածության առնչությամբ հարցման արդյունքները ցույց են տվել, որ հարցվածների 44,1%-ը հակակոռուպցիոն գործունեությամբ զբաղվող ոչ մի պետական մարմնի և հասարակական կազմակերպության ընդհանրապես չգիտի։ Միևնույն ժամանակ, հասարակության մեջ մոտ 20%-ով ավելացել է կոռուպցիայի շուրջ տեղեկատվություն ստանալ ցանկացողների քանակը: Հարցվածներին առավել շատ հետաքրքրել են կոռուպցիայի առնչությամբ իրենց իրավունքներն ու պարտականությունները պարզաբանող տեղեկատվությունը, տեղեկատվությունն այն հաստատությունների մասին, որոնց կարելի է դիմել պաշտոնյաների կոռուպցիոն վարքի դեպքում, պետական մարմինների թեժ գծերի մասին, հակակոռուպցիոն կրթական ծրագրերի մասին և հակակոռուպցիոն օրենսդրության և քաղաքականության մասին տեղեկատվությունը։

Կո­ռուպ­ցիա­յի դրսևոր­ման ձևե­րի ա­ռա­վել տա­րած­վա­ծութ­յու­նը դի­տար­կե­լիս հարց­ված­ների 82%-ը տա­րած­ված է հա­մա­րել հո­վա­նա­վոր­չութ­յու­նը։ Հարց­վածնե­րը բիզ­նե­սի և պե­տական պաշ­տո­նի հա­մա­տե­ղու­մը (գրե­թե 77%-ը) և կա­շա­ռա­կե­րութ­յու­նը (շուրջ 75%-ը) համա­րել են կու­ռուպ­ցիա­յի տա­րած­ված դրսևո­րում­ներ։ Հարց­ված­ների 60%-ից ա­վե­լին տա­րած­ված է հա­մա­րել փո­ղե­րի լվա­ցու­մը (66,2%), պե­տա­կան բյու­ջեի մսխու­մը կամ յու­րա­ցու­մը (64,9%) և պե­տա­կան դրա­մաշ­նորհ­նե­րի տրա­մադր­ման ոչ թափան­ցիկ գոր­ծըն­թա­ցը (61%)։