Ֆրանսիայի նախագահ Էմանուել Մակրոնը քննադատության ալիքի է արժանացել այն բանից հետո, երբ հինգշաբթի օրը մասնակցել է Ելիսեյան պալատում Հանուկայի մոմը վառելուն։

Պարգևատրման արարողության ժամանակ, որը Մակրոնին մրցանակ է հանձնել հակասեմիտիզմի դեմ իր դիրքորոշման համար, Ֆրանսիայի գլխավոր ռաբբի Խաիմ Կորսիան վառել է առաջին մենորայի մոմը՝ սկսելու Հանուկայի տոնակատարությունը:

Ֆրանսիայում օրինականորեն ամրագրված է աշխարհիկությունը, որը ենթադրում է կրոնի ամբողջական տարանջատում պետությունից և քաղաքացիական հասարակությունից, և Մակրոնին մեղադրում էին այդ սկզբունքը խախտելու մեջ։

Ձախ քաղաքական գործիչ Մանուել Բոմպարդը X-ում ասել է, որ Մակրոնը թույլ է տվել «աններելի քաղաքական սխալ», մինչդեռ Կանաչների կուսակցության պատգամավոր Սանդրին Ռուսոն գրել է, որ «հնարավոր կլիներ աջակցել Ֆրանսիայի հրեական համայնքին՝ թույլ չտալով կրոնական արարողություն կազմակերպել Ֆրանսիայի Ելիսեյան պալատում»։

Ֆրանսիայում հրեական կազմակերպությունների ներկայացուցչական խորհրդի (CRIF) նախագահ Ջոնաթան Արֆին նույնպես Մակրոնի գործողությունները սխալ է համարել։

«Ֆրանսիայի հրեաները միշտ աշխարհիկությունը համարել են պաշտպանության և ազատության օրենք», - ասել է  նա: «Ամեն ինչ, որը թուլացնում է աշխարհիկությունը, թուլացնում է Ֆրանսիայի հրեաներին»:

Քննադատությունների ալիքից հետո Մակրոնը լրագրողներին ասաց, որ չի զղջում իր արարքի համար։

Նշենք, որ Հանուկա թարգմանաբար նշանակում է «թարմացում», «օծում»: Այս տոնը կապվում է հրեական օրացույցով մ.թ. 3622 թվականին հունական Անտիոք արքայի դեմ Հեգուդա Մուքաբեի զորքերի տարած հաղթանակի հետ և սուրբ Տաճարի ազատագրման հետ: Հույն հեթանոսներին դուրս վռնդելուց հետո հերաները պարզում են, որ պղծված Տաճարի օծելու համար անհրաժեշտ քանակությամբ ձիթապտղի յուղ չկա, իսկ նոր տարաները կհասնեին ութ օրից: Պահպանված միակ տարայի յուղով հրեաները ստիպված վառում են Մենորան և այդ ժամանակ հրաշք է տեղի` Մենորան վառ է մնում ութ օր: