Եվրամիության խորհուրդը պետք է որոշում կայացնի Մոլդովայի, Ուկրաինայի և Վրաստանի՝ Եվրամիությանն անդամակցելու շուրջ բանակցությունների գործընթացը սկսելու մասին մինչև 2023 թվականի ավարտը։ Այս մասին հայտարարել է Եվրոպական խորհրդի նախագահ Շարլ Միշելը։

Մոլդովայում՝ լրատվամիջոցների հետ հանդիպմանը, նա ասել է․

«Եվրահանձնաժողովը պետք է հրապարակի ԵՄ անդամակցության գործընթացի վերաբերյալ հաջորդ զեկույցը, որը վերաբերում է Մոլդովայի, Ուկրաինայի և Վրաստանի, ինչպես նաև Արևմտյան Բալկանների եվրոպական հեռանկարին։ Ցանկանում եմ հաստատել, որ մտադիր եմ այս հարցը բարձրացնել Եվրոպական խորհրդի առջև մինչև տարեվերջ։ Սա նշանակում է, որ մինչև տարեվերջ Խորհուրդը պետք է որոշում կայացնի այդ երկրների հետ անդամակցության բանակցությունների գործընթաց սկսելու վերաբերյալ։ Սա կլինի քաղաքական որոշում՝ հաշվի առնելով այն զեկույցը, որը պատրաստելու է Եվրահանձնաժողովը։ Ես անկեղծորեն հուսով եմ, որ մինչև տարեվերջ հնարավոր կլինի դրական որոշում ընդունել»,- ասել է Շառլ Միշելը։

Նրա խոսքով՝ Եվրամիության հետ ինտեգրման ճանապարհին առաջընթացը շոշափելի և դրական արդյունքներ կբերի Մոլդովայի քաղաքացիներին։