Ֆրանսիայի պաշտպանության նախարար Սեբաստիան Լեկորնուն շուտով կայցելի Հայաստան։ Այս մասին հայտնել է ինքը՝ նախարարը RTL ռադիոկայանի եթերում։

«Շուտով Հայաստան կգնամ խորհրդարանականների և արդյունաբերողների մեծ պատվիրակությամբ։ Ֆրանսիան զինտեխնիկա է մատակարարում բարեկամ Հայաստանին զուտ պաշտպանական նպատակով»,- ասել է նա։

Նա ընդգծել է, որ պատմության մեջ սա առաջին դեպքն է, երբ Ֆրանսիայի պաշտպանության նախարարը մեկնում է Հայաստան:

«Հայաստանը կանգնած է անվտանգության լուրջ մարտահրավերների առաջ՝ կապված Ադրբեջանի սպառնալիքների հետ։ Մեր պարտականությունն է մեծացնել ՀՀ–ի պաշտպանական ներուժը» ,- ասել է Սեբաստիեն Լեկորնուն։