Մարդիկ շփոթում են սխեմատիկ, մեթոդական քարտեզները տոպոգրաֆիկ քարտեզների հետ։ Իրականության մեջ դելիմիտացիայի գործընթացը միայն քարտեզների հետ աշխատանք չէ։ Այս մասին լրագրողների հետ ճեպազրույցում ասաց փոխվարչապետ Մհեր Գրիգորյանը՝ անդրադառնալով հայ-ադրբեջանական սահմանի դեմարկացիայի ու դելիմիացիայի գործընթացին։
Անդրադառնալով սահմանազատման հանձնաժողովների վերջին հանդիպմանը՝ Մհեր Գրիգորյանն ասաց.
«Մենք ունենք համատեղ հաստատված աշխատակարգ, արդյունավետ եմ գնահատում այդ աշխատանքի ձևը, շատ զգայուն հարց է քննարկվում։ Պայմանավորվել ենք, որ հանդիպումների արդյունքում մեր հրապարակումները սահմանափակվում են այնքանով, որքանով համաձայնեցրել ենք համատեղ»։
Դիտարիկմանը, թե սահմանափակ ինֆորմացիայի պարագայում շատ հաճախ հանրությունը սպասում է, թե որևէ տարածք կարող է հանձնվել, փոխվարչապետը արձագանքեց. «Դիլետանտական է այն մոտեցումը, որ մենք կարող է գնալ, հանդիպել հանձնաժողովում և իրար ինչ-որ բան հանձնել։ Մենք որոշումների կայացման սահմանադրական կարգեր ունենք, անիմաստ խոսակցություն է»։