Կարեն Անդրեասյանը հանդիպել է ՔՊ խմբակցության անդամների հետ (լուսանկարներ)

18:52, 23 փետրվար 2024

ՀՀ ԱԺ «Քաղաքացիական պայմանագիր» խմբակցությունը փետրվարի 23-ին Ազգային ժողովում հանդիպել է Բարձրագույն դատական խորհրդի նախագահ Կարեն Անդրեասյանի հետ: Այս մասին հայտնում են ՀՀ ԱԺ Հասարակայնության հետ կապերի և հաղորդակցության վարչությունից։

Քննարկվել է դատական համակարգում իրականացվող բարեփոխումների ընթացքը:

Մտքեր են փոխանակվել դատական համակարգում առկա խնդիրների եւ դրանց լուծման համար անհրաժեշտ օրենսդրական փոփոխությունների շուրջ:

Երկուստեք կարեւորվել է դատական իշխանության անկախությունը եւ օրենսդիր իշխանության հետ արդյունավետ համագործակցությունը: