Երևանի ավագանին ընդունել է տրանսպորտի սակագների թանկացման նախագիծը. որոշումը կգործի սեպտեմբերի 1-ից

18:22, 12 մարտ 2024

32 կողմ, 2 դեմ ձայների հարաբերակցությամբ Երևանի ավագանին ընդունել է տրանսպորտի սակագների փոփոխման մասին նախագիծը:

Նոր սակագները կգործեն այս տարվա սեպտեմբերի 1-ից։

Նախագծով սահմանվում է, որ

30 օրվա համար կգործի 8800 դրամ սակագինը,

90 օրվա համար կգործի 23600 դրամ,

365 օրվա համար կգործի 88000 դրամ։

Նախատեսվում է ներդնել 90 րոպեանոց տոմսեր՝ 280-300 դրամ 3 ուղևորության համար, 1 օրվա համար՝ 880-900 դրամ՝ 8 երթևեկության համար, 7 օրվա համար՝ 4800-5000 դրամ՝ 30 ուղևորության համար։ Բոլոր դեպքերում, յուրաքանչյուր տրանսպորտային միջոցում նախատեսված է մեկանգամյա օգտագործում:

Ներդրվում է նաև ամսական 10 ուղևորության բազմակի օգտագործման տոմս (2100-2200 դրամ)։

Բոլոր փաթեթները ունեն անսահմանափակ երթևեկելու հնարավորություն։ Ցանկացած փաթեթ ձեռք բերելիս քաղաքացիները կկարողանան օգտվել հասարակական տրանսպորտի բոլոր տեսակներից։