Մարտի 12-ին Վրաստանում ՀՀ դեսպան Աշոտ Սմբատյանը հանդիպում ունեցավ Վրաստանի կաթողիկոս-պատրիարքի տեղապահ, միտրոպոլիտ Շիոյի (Մուջիրի) հետ։

Հանդիպմանն անդրադարձ կատարվեց հայ և վրաց ժողովուրդներին միավորող հոգևոր-մշակութային հարուստ կապերին և քաղաքակրթական ընդհանրություններին։ Կարևորվեց Հայ Առաքելական և Վրաց Ուղղափառ եկեղեցիների միջև բազմադարյա համագործակցության պահպանումն ու զարգացումը։