Ծանրամարտի Եվրոպայի ֆեդերացիան խստորեն դատապարտում է 2023 թվականի ապրիլի 14-ին Երևանում ծանրամարտի Եվրոպայի առաջնության բացման արարողության ժամանակ տեղի ունեցած միջադեպը, երբ անձը հրկիզել է Ադրբեջանի դրոշը։

Այս մասին ասվում է Ծանրամարտի Եվրոպայի ֆեդերացիայի տարածած հաղորդագրության մեջ. 

«EWF-ն այս չափազանց լուրջ և ափսոսանքի արժանի ժեստը համարում է ոտնձգություն սպորտային արժեքների ամբողջականության և արդար խաղի համընդհանուր սկզբունքների նկատմամբ:

EWF-ն մշտապես եղել է Ադրբեջանի պատվիրակության հետ՝ իր լիակատար համերաշխությունն ու աջակցությունը հայտնելով մարզիկներին, մարզիչներին և պաշտոնյաներին։  

EWF-ը համերաշխ է Ադրբեջանի ազգային հավաքականի և Ադրբեջանի ֆեդերացիայի հետ և հասանելի է ցանկացած աջակցության համար, որը պահանջվում է սպորտի և արդար խաղի կանոններով։

Ցավում ենք, որ Ադրբեջանի պատվիրակությունը ստիպված է եղել լքել մրցույթը, բայց միևնույն ժամանակ հարգում ենք նրանց որոշումը։

EWF-ն գտնում է, որ այս միջադեպը հարթված է և կհետևի Կազմկոմիտեից հրատապ պահանջվող լրացուցիչ միջոցառումների իրականացմանը:

 Մենք անմիջականորեն ներգրավված ենք եղել պատվիրակության անվտանգության բոլոր ներմերի ապահովմանը, քանի դեռ նրանք չէին հեռացել Հայաստանից։

EWF-ը հետևողական է մնում իրադարձությանը և կքննարկի կատարվածի համատեքստում լրացուցիչ միջոցներ ձեռնարկելու հարցը:

EWF-ի ղեկավարությունը կմասնակցի այս առաջնության շրջանակներում իրականացվող բոլոր գործողություններին մինչև պատվիրակությունների մեկնումը, որպեսզի ապահովի թիմերի անվտանգության պայմանների պահպանումը»։