Վրաստանի պետական անվտանգության ծառայության Հակաահաբեկչական կենտրոնը հաղորդել է երկրում «Իսլամական պետություն» խմբավորման զինյալներից մեկի ձերբակալման մասին, հայտնում է newsgeorgia.ge-ն։

Աղբյուրի հաղորդմամբ՝ ձերբակալվածը Վրաստանի քաղաքացի Մալխազ Պակսաշվիլին է։ Նա 2013-ին մեկնել է Սիրիա և միացել «Իսլամական պետություն» խմբավորմանը։

Հետաքննության տվյալներով՝ 2013-2015 թթ․-ին Պակսաշվիլին ընդգրկված էր Կեսար և Ցիսկարա Թոխոսաշվիլի եղբայրների զինված խմբում և մասնակցում էր «Իսլամական պետություն» խմբավորման կողմից վարվող ռազմական գործողություններին։