Մատենադարանի ղեկավարությունը և գիտնականներն այցելել են Զինվորի տուն՝ իրենց հետ տանելով խնդրակատար մի մատյան՝ Շուխոնց ավետարանը, որ կոչված է իրականացնելու հավատավորների իղձերը:
«Մեր իղձերի շարքում է Մատենադարանի և հայ երիտասարդության հանդիպումն ու փոխադարձ պատասխանատվությունը: Իսկ պատասխանատվությունը ձևավորվում է միայն ճանաչողության հիմքի վրա: Մատենադարանն աշխարհասփյուռ ձեռագրերի տունն է, և ձեռագրի տունդարձը՝ մեր գերագույն նպատակը:
Զինվորի տան առաքելությունն է ապաքինել պատերազմի ու աղետի հետևանքները, նպաստել քաղաքացու ֆիզիկական ու հոգեբանական վերականգնմանը: Մատենադարանի առաքելությունն է ապաքինել ձեռագրերի վերքերը, պատմական աղետների ու վայրիվերումների հետևանքները»,- ասված է Մատենադարանի տարածած հայտարարության մեջ:
-thumbnail.jpg)
-thumbnail.jpg)
-thumbnail.jpg)