Թուրքիայի նախկին արտգործնախարար Ֆերիդուն Սինիրլիօղլուն նշանակվել է ԵԱՀԿ նոր գլխավոր քարտուղար։

ՏԱՍՍ-ը հայտնում է, որ այս մասին ասել է ԵԱՀԿ գործող նախագահ, Մալթայի Հանրապետության արտաքին գործերի, եվրոպական գործերի և առևտրի նախարար Յան Բորգը։

«Շնորհավորում ենք ԵԱՀԿ նոր ղեկավարությանը։

Ֆերիդուն Սինիրլիօղլու (Թուրքիա) - գլխավոր քարտուղար,

Մարիա Թելալյան (Հունաստան) - Ժողովրդավարական հաստատությունների և մարդու իրավունքների գրասենյակի ղեկավար,

Քրիստոֆ Կամպ (Նիդեռլանդներ) - ԵԱՀԿ ազգային փոքրամասնությունների հարցերով գերագույն հանձնակատար,

Յան Բրատու (Նորվեգիա)- ԶԼՄ-ների ազատության հարցերով ներկայացուցիչ»,- «X» սոցիալական ցանցի իր էջում գրել է Բորգը։