Իրավապաշտպան Ժաննա Ալեքսանյանն անդրադարձել է Աշոտ Փաշինյանի առերևույթ առևանգման գործով ձերբակաված Գայանե Հակոբյանին (Մարտիրոսյան), ով զոհված Ժորա Մարտիրոսյանի մայրն է։

«Ազատ արձակեք զոհված զինծառայողի մորը։ Նա հանցագործ չէ։ Մի ոչնչացրեք մարդուն, կնոջը, վիշտ կրող մորը։ Ինչո՞ւ եք վարչական վարույթներ հարուցել զոհված զինծառայողների ծնողների նկատմամբ։ Եվ պատահական չէ, որ Վերաքննիչ դատարանի բակում է տեղի ունեցել Աշոտ Փաշինյանի հետ կապված միջադեպը՝ վարչական գործերի քննության ընթացքում։ Ինչո՞ւ եք նսեմացնում նրանց։ ։ Ինչո՞ւ չեն պատժվում սևազգեստ մայրերի նկատմամբ բռնություն գործադրած ոստիկանները։ Տեղի ունեցած միջադեպը պետք է գնահատել այս և բազում այլ հարցերի համատեքստում։ Հարգեք այդ կնոջը, ազատ արձակեք նրան, երկրի ղեկավարն եք՝ մեծահոգի գտնվեք»։