«Ապրելու երկիր» կուսակցության համահիմնադիր Մեսրոպ Առաքելյանն անդրադարձել է դպրոցներում դասապրոցեսի մեկնարկային ժամի փոփոխությանը.

«Երևանի դպրոցներում դասերը կսկսվեն 8։15՝ խցանումները նվազեցնելու համար։ 

Երկու տարի առաջ երևանցիների 72%-ը ալարեց գնալ ընտրությունների։ Հիմա, ամեն օր կհելնեք, դեռ լույսը չբացված ձեր երեխաներին կտանեք դպրոց։

Արդար ա, շատ արդար։ Մի բողոքեք»:

ՔՊ-ական պատգամավոր Բաբկեն Թունյանը գրառման տակ մեկնաբանել է.

«Ասենք, 8:30 դասի տանելու համար չէինք հելնու՞մ, թե՞ 15 րոպե շուտ զարթնելը լրջագույն փոփոխություն ա )))»:

Ի պատասխան Առաքելյանն ասել է.

«Babken Tunyan մարդկանց մեծ մասը երեխաներին դպրոց տանելուց հետո գնում ա աշխատանքի, որը սկսում ա 9։00 ին։ Կես ժամից ավելի ծնողները ի՞նչ անեն»: