Հունական մի քանի կղզիներում, ներառյալ Հռոդոսը և Կորֆուն, շարունակվող անտառային հրդեհները ստիպել են տասնյակ հազարավոր տեղացիների և զբոսաշրջիկների լքել իրենց տները կամ կիսատ թողնել իրենց արձակուրդը: Հրդեհները սկսվել են անցյալ շաբաթ Միջերկրական ծովում կլիմայի փոփոխության հետևանքով առաջացած ջերմային ալիքի ֆոնին:
 

  Карта

Արբանյակային պատկերները ցույց են տալիս հայտնի հանգստավայրին հասցված վնասի չափը։ Հրդեհը ոչնչացրել է քաղաքի բազմաթիվ տներ և ձեռնարկություններ:

Последствия пожара
Последствия пожара

Հռոդոս կղզում ցերեկային ջերմաստիճանը հասել է մինչև 45 աստիճանի:  Տեղական իշխանությունները հետաքննում են հրդեհի առաջացման պատճառներն ու հնարավոր բոլոր վարկածները։  Անտառային հրդեհները Հունաստանում հազվադեպ չեն ամառվա չոր ամիսներին, անգամ շատ գիտնականներ կանխատեսում են, որ մոլորակի կլիմայի փոփոխության հետ մեկտեղ կմեծանա անոմալ եղանակային իրադարձությունների հաճախականությունն ու ուժգնությունը, և կմեծանան տարբեր բնական աղետների ռիսկերը, ինչպիսիք են անտառային հրդեհները:  

  

 Հրդեհների քարտեզ Հռոդոսում

Карта пожаров на Родосе
 
Հանգստյան օրերին կղզուց ավելի քան 20 հազար մարդ է տարհանվել, ինչը Հունաստանի պատմության մեջ ամենամեծ տարհանումն է անտառային հրդեհների պատճառով: Տարբեր աղբյուրներով այդ թիվը հասնում է 30 000-ի։
 
 Пожарные
 
Ոստիկանությունը հայտնել է, որ մոտ 16 000 մարդ ցամաքային ճանապարհով տարհանվել է կղզու ավելի ապահով հատվածներ, ևս 3000-ը՝ ծովով են հեռացել։ Մնացածները ստիպված են եղել հեռանալ  սուր ծխից սեփական մեքենաներով։  Նրանց թվում կան հազարավոր զբոսաշրջիկներ, որոնք ստիպված են եղել տեղափոխվել ժամանակավոր կացարաններ և սպասել, որ տուրիստական ​​ընկերությունները նրանց կղզուց դուրս բերելու համար ինքնաթիռներ կտրամադրեն։

 

Эвакуированные в спортзале

 

 

 

Последствия пожаров

 Հրշեջները հայտնում են, որ Կորֆուում և Եվիայում իրավիճակը դեռ լիովին վերահսկելի չէ։

Հունաստանում հրդեհների քարտեզը

Карта

 Արբանյակային պատկերները ցույց են տալիս հյուսիսային Կորֆուի Կասիոպի քաղաքի մերձակայքում գտնվող սևացած բլուրների վրա հրդեհների ծուխը:

Последствия пожаров

 Կրետեն՝Հունաստանի կղզիներից ամենամեծը, նույնպես բարձր պատրաստվածության է բերվել հրդեհների վտանգի պատճառով, սակայն մինչ այժմ այնտեղ իրավիճակը վերահսկելի է։  Ծայրահեղ շոգը պատել է Հարավային Եվրոպան և Հյուսիսային Աֆրիկան: Չոր շոգ եղանակը հրդեհների պատճառ է դարձել նաև Սիցիլիայում, Խորվաթիայում, Ալժիրում և Թունիսում։

Карта