Եվրամիությունը Հայաստանին և Ադրբեջանին կոչ է արել օգտվել տարաձայնությունները լուծելու պատմական հնարավորությունից  և վերադառնալ բանակցությունների սեղանի շուրջ։

«Երկու երկրների ղեկավարներին կոչ ենք անում օգտագործել պատմական հնարավորությունը և վերջնականապես լուծել հակամարտությունն ու վերադառնալ բովանդակալից երկխոսությանը»,-ասել է ԵՄ հարևանության և ընդլայնման հարցերով եվրահանձնակատար Օլիվեր Վարհելին։

Նա աջակցություն է հայտնել Եվրոպական խորհրդի ղեկավար Շառլ Միշելի՝ երկու երկրների միջև խաղաղության պայմանագրի, սահմանազատմանը և հարաբերությունների կարգավորմանն ուղղված ջանքերին։