«Վերածնվող Հայաստան» կուսակցության նախագահ Վահե Հակոբյանը «Փաստ»-ին հարցազրույց է տվել կուսակցության նախկին անդամ, Գորիսի քաղաքապետ Առուշ Առուշանյանի՝ Փաշինյանին դիմավորելու վերաբերյալ և ասել է, որ սա որևէ կերպ չի կարող առնչություն ունենալ  իրենց քաղաքական ուժի հետ․

Անդրադառնալով հանդիպմանն ու Առուշ Առուշանյանի՝ իրեն քննադատողների վերաբերյալ հայտարարություններին, Վահե Հակոբյանն ասել է․ «Առուշ Առուշանյանի հարցին անդրադառնալով՝ նշեմ, որ երբ լղոզվում է ամեն ինչ՝ կարմիր գծերը, սկզբունքները, դիրքորոշումները, լղոզվում են ժամանակի ընթացքում ունեցած մոտեցումները, արդյունքում լղոզվում է մարդը: Եվ դրանից հետո տարաբնույթ «բացատրություններով» փորձել ինչ-որ կապ ստեղծել անցյալում արածի, անցյալում արտահայտած մտքերի և հիմա տեսանելիի միջև, մեղմ ասած, որևէ կերպ ո՛չ ընդունելի է, ո՛չ էլ հասկանալի: 

Երբ բառակազմում հայտնվում են այնպիսի արտահայտություններ, ինչի մասին նշում եք, ապա դա ընդամենը ևս մեկ անգամ ցույց է տալիս իրավիճակի խղճուկ լինելը: Կրկին ցավով ու ափսոսանքով ստիպված եմ արձանագրել, որ կարմիր գծերի լղոզման ներքո լղոզվում են մարդիկ: Ես կարծում եմ, որ որևէ մեկի դատավոր լինելն իմը չէ: Մարդիկ թող տեսնեն, թող մտածեն, թող գնահատեն՝ ինչ է տեղի ունենում: Ամեն մարդ ինքն է պատասխանատու իր քայլերի համար, պատասխանատու է իր առաջ, Աստծո առաջ:

Ես կուզեմ նաև արձանագրենք՝ որպեսզի պայքարող տեսակը, որը, ցավոք, օր-օրի ավելի սակավաթիվ է դառնում, շատանա, կազմի քանակ և արդյունք ապահովի, պետք է մեր հայրենակիցների համապատասխան հատվածը դադարի իրավիճակին «պոպկորնով» հետևել: Պետք է գիտակցեն, որ վերջիվերջո որևէ կինոթատրոնում նստած ֆիլմ չեն նայում, այլ սեփական հայրենիքի անկման ականատեսն են: Կարծում եմ, որ «պոպկորնով», ծիծաղելով, ժպիտներով գործընթացին հետևելն ամենամեծ հանդուրժողականությունն է տիրող իրավիճակին և ամենամեծ օժանդակությունն է գործող իշխանությանը՝ շարունակելու մեր պետականության հիմքերը խարխլելու,  մեր պետականության անկմանը տանող իր քայլերն ու գործողությունները: Տեղի ունեցածն իր մեջ տարբեր հարթությունների խնդիրներ է պարունակում»։

Վահե Հակոբյանին պատասխանել է Առուշ Առուշանյանի հայրը՝ Գագիկ Առուշանյանը․

«Մեր իրականությունում ապրում են մարդիկ որոնց համար Գորիսում տեղի ունեցած վերջին դեպքերը դարձան ինքնադրսևորման, ինչու չէ՝ ինքնահաստատման առարկա։ Ու զարմանալին այն է, որ այս տեսակ մարդկանց թվում է, որ հայությունը բաղկացած է իրենց ֆեյսբուքյան ընկերներից, իսկ հայության խելքն ու իմաստությունը՝ պատվիրված խղճուկ հարցազրույցների մի քանի թրջված մեկնաբանություններից։