Հետևեք մեզ։

Forbes 2023․ ովքե՞ր են և ինչո՞վ են զբաղվում աշխարհի 10 ամենահարուստ կանայք (լուսանկարներ)

18:18, 03 սեպտեմբեր 2023
Forbes 2023․ ովքե՞ր են և ինչո՞վ են զբաղվում աշխարհի 10 ամենահարուստ կանայք  (լուսանկարներ)

Forbes-ի վարկածով՝ աշխարհի ամենահարուստ կանանց վարկանիշը նախորդ տարվա համեմատ շատ չի փոխվել. աղյուսակում առաջատար դիրքերը դեռևս զբաղեցնում են L'oreal կոսմետիկ կայսրության սեփականատեր Բետանկուր-Մայերսը, իսկ Walmart-ի տնօրենների խորհրդի անդամ ու համասեփականատերը Էլիս Ուոլթոնը երկրորդ տեղը զիջել է Koch Industries-ի սեփականատեր և գործադիր տնօրեն Ջուլիա Կոխին: Ցուցակում հայտնվել են մի քանի նորեկներ, այդ թվում՝ գործարար Ռաֆայելա Ապոնտե-Դիամանտը, ով ամուսնու հետ կառուցել է ամենամեծ լոգիստիկ ընկերությունը։ Forbes-ը պատմում է, թե ինչպես են հարստացել նրանք։

 

Թիվ 1. Ֆրանսուազ Բետանկուր-Մայերս․ 69 տարեկան

 

 

Երկիր՝ Ֆրանսիա

Կարողությունը՝ 80,5 միլիարդ դոլար

Ինչ է նա անում. L'Oreal-ի սեփականատեր, բարերար

Կոսմետիկ կայսրության L'Oreal-ի ժառանգորդուհին, ինչպես նախորդ տարի, առաջին տեղն է զբաղեցրել Forbes-ի ամենահարուստ կանանց վարկանիշում։ Ֆրանսուազ Բետանկուր-Մայերսը ծնվել է հարուստ ընտանիքում. նրա հայրը՝ Էժեն Բետանկուրը, հիմնադրել է աշխարհահռչակ L'Oreal ընկերությունը, իսկ մայրը՝ Լիլիան Բետանկուր-Մայերսը, եղել է Nestle դեղագործական ընկերության ժառանգորդը։ 

Նախկինում Forbes-ը, որպես աշխարհի ամենահարուստ կնոջ, մատնանշում էր Ֆրանսուազի մորը և L’Oréal ընկերության հիմնադիր Էժեն Շյուլլերի դստերը՝ Լիլիան Բետանկուրին: Աշխարհի ամենահարուստ մարդկանց ցանկում նա առաջին անգամ հայտնվեց 1987 թ., երբ Forbes-ը սկսեց հրապարակել իր վարկանիշները:

Բետանկուր-Մայերսը գիտական ​​կոչումներ ունի հայտնի համալսարաններից, ներառյալ Օքսֆորդը և Սորբոնը: Ապագա միլիարդատերն իր կարիերան սկսել է հոր ընկերությունում 1987 թվականին՝ զբաղեցնելով տարբեր պաշտոններ։ 2007 թվականին՝ հոր մահից հետո, նրան են հանձնվել կոսմետիկ կայսրության ղեկը։ 2017 թվականից նա նաև ընկերության տնօրենների խորհրդի նախագահն է։

Ֆրանսուազ Բետանկուր-Մեյերսն ամուսնացած է Ժան-Պիեռ Մայերսի հետ, ով ներկայումս ֆրանսիական ոգելից խմիչքներ արտադրող Tethys SAS-ի գործադիր տնօրենն է, նրանք ունեն երեք երեխա։ 2019 թվականին Ֆրանսուազա Բետանկուր-Մայերսը «L'Oreal»-ում իր բաժնետոմսերի 33%-ը փոխանցել է իր երեխաներին՝ ընտանեկան բիզնեսի փոխանցման շրջանակներում: